- वि.सं २o८१ भदौ ९ आइतबार
रामेछापको दोरम्बा शैलुङ गाउँपालिका– ३ टोकरपुरस्थित लेखर्क पहरीगाउँमा आज बिहान ३:४५ बजे गएको पहिरोले चारवटा घर बगाएको छ । पहिरोमा परी नाैजना बेपत्ता भएका छन् । दुईजनाको घटनास्थलमा शव फेला परेको छ ।
बेपत्ता भएका नाैजनाको खोजीकार्य भइरहेको प्रहरीले जनाएकाे छ । पहिराेमा परेकाहरू सबैजनाको विवरण आइनसकेको प्रहरीकाे भनाइ छ ।
अँधेरीखोलाको पुल बग्याे
पहिरोले दोरम्बा र गाउँपालिकाको बिचमा रहेको अँधेरीखोलाको पुल पनि बगाएको छ । अन्य थप विवरहरू आउन बाँकी रहेको जिल्ला प्रहरी कार्यालय रामेछापका प्रहरी नायब उपरीक्षक प्रदीपकुमार सिंहले जानकारी दिए ।
अहिले घटनास्थलमा इलाका प्रहरी कार्यालय टोकरपुरवाट खटिएको प्रहरीको टोली र स्थानीयहरू उद्धारमा खटिएका छन् । जिल्ला प्रहरी कार्यालय रामेछापबाट पनि प्रहरी नायब उपरीक्षकसहितको टोली घटनास्थलतर्फ जाँदै छ । सदरमुकाम मन्थलीबाट उक्त स्थानमा पुग्न सवारीसाधनमा करिब चार घण्टा लाग्छ ।
