- वि.सं २o८१ भदौ ९ आइतबार
काभ्रेको भुम्लु गाउँपालिका- ८ बन्देउडाँडास्थित अरनिको राजमार्गमा माथिबाट पहिरोसहित रुख ढलेर सडक अवरुद्ध भएको छ । जिल्ला प्रहरी कार्यालय काभ्रेका सूचना अधिकारी राजकुमार श्रेष्ठका अनुसार आज बिहान करिब ४:२० बजेको समयमा सुक्खा पहिरोसहित रुख ढली राजमार्ग अवरुद्ध भएको हो ।
अवरोध भएको उक्त स्थानमा प्रहरी टोली खटिएको र स्थानीय निकायसँग समन्वय गरी सडक खुलाउने काम भइरहेको प्रहरी जनाएको छ ।
जिरोकिलो–मेलम्ची सडकखण्ड दुईतर्फी बन्द
त्यस्तै, काभ्रे जिल्लाको पाँचखाल- ४ फेदीस्थित जिरोकिलो मेलम्ची सडकखण्डमा माथिबाट पहिरो आई जिरोकिलो मेलम्ची सडकखण्ड दुईतर्फी बन्द भएको थियो । उक्त स्थानमा प्रहरी टोली, स्थानीय निकाय र सडक विभागको समन्वय सडक एकतर्फी खुलाएको प्रहरीले जनाएको छ ।
