- वि.सं २o८१ फाल्गुण ७ बुधबार
बर्दियामा भएकाे सडक दुर्घटनामा एक महिलाको घाइते भएकी छिन् । सडक दुर्घटनामा मधुवन नगरपालिका– ५ की ४५ वर्षीया कविता परियार घाइते भएकी हुन् ।
पैदलयात्री परियारलाई बुधबार बिहान ८ बजे ट्याक्टरले खुट्टामा किच्दा घाइते भएको जिल्ला ट्राफिक कार्यालय बर्दियाले जनाएको छ । उखु लिएर राजापुरदेखि गुलरिया आउँदै गरेको ट्याक्टरले महिलालाई किचेको स्थानीय भावेश भाटले बताए । उनले भने, ‘दुर्घटना भएको ट्याक्टर नहरमा खसेको छ भने घाइते परियारको उपचार नेपालगन्जमा भइरहेको प्रहरीले जनाएको छ ।’
