सडकबाट सरकारको विकल्प खोज्ने प्रयास अस्वीकार्य : सत्तागठबन्धन

सत्तारूढ गठबन्धनले सडकबाट सरकारको विकल्प खोज्ने कुरा कुनै पनि अर्थमा स्वीकार्य हुन नसक्ने बताएको छ। शुक्रबार बालुवाटारमा बसेको सत्तारूढ गठबन्धनको बैठकले सरकारको विकल्प खोज्ने बाटो संसद् र नयाँ जनादेश भएको प्रस्ट्याएको हो।

अराजकतालाई प्रोत्साहन गर्ने, राजनीतिक अस्थिरतालाई बल पुर्‍याउने तथा जनताको सुशासन र विकासको आकांक्षालाई असर पुग्ने गरी विभिन्न नाम र स्वरूपमा हुने कुनै पनि अवाञ्छित गतिविधिहरू उचित नहुने गठबन्धनका सात दलका नेताहरूले जारी गरेको वक्तव्यमा उल्लेख छ। 

‘सडकबाट लोकतान्त्रिक व्यवस्था र सरकारको विकल्प खोज्ने कुरा कुनै पनि अर्थमा स्वीकार्य हुन सक्दैन। लोकतन्त्रको विकल्प अझ उन्नतस्तरको लोकतन्त्र हो र सरकारको विकल्प खोज्ने बाटो संसद् र नयाँ जनादेश नै हो । त्योभन्दा भिन्न तरिकाबाट अघि बढ्ने प्रयास लोकतन्त्रको मूल्य र मान्यताविपरीत हुने कुरा स्पष्ट छ । यसप्रति सचेत र सजग रहन हामी सम्बद्ध पक्षको ध्यानाकर्षण गर्दछौँ,’ वक्तव्यमा भनिएको छ।

सिफारिस

रास्वपालक्षित सत्तागठबन्धनको वक्तव्य : भिड जम्मा गरेर अनुसन्धान प्रभावित गर्नु लोकतन्त्रविपरीत