मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ जेठ १६ सोमबार
  • Tuesday, 11 March, 2025
नयाँ पत्रिका काठमाडौं
२o७९ जेठ १६ सोमबार १४:४८:oo
Read Time : < 1 मिनेट
मुख्य समाचार डिजिटल संस्करण

विमान दुर्घटनाप्रति कांग्रेसद्वारा दुःख व्यक्त, हवाई सेवालाई सुरक्षित बनाउन सरकारसँग माग

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o७९ जेठ १६ सोमबार १४:४८:oo

नेपाली कांग्रेसले तारा एयरको विमान दुर्घटनामा निधन भएकाहरूप्रति श्रद्धाञ्जली व्यक्त गरेको छ। कांग्रेसका प्रवक्ता प्रकाशशरण महतले आज एक शोक वक्तव्य जारी गर्दै ज्यान गुमाउनेहरूप्रति श्रद्धाञ्जली र परिवारजनप्रति समवेदना प्रकट गरेको छ।

‘नेपाली कांग्रेस यस अकल्पनीय दुर्घटनामा जीवन गुमाउनुहुने विमानचालक, सहचालक, परिचारिका र यात्रुहरू सबैमा भावपूर्ण श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गर्दछ,’ शोक वक्तव्यमा उल्लेख छ।

आइतबार पोखराबाट जोमसोमका लागि उडेको तारा एयरको जहाज मुस्ताङको थसाङ गाउँपालिका– २ को सानोस्वारे भिरमा दुर्घटनाग्रस्त हुँदा विमानमा सवार चालक दलका सदस्यसहित सम्पूर्ण यात्रुले ज्यान गुमाएका थिए। कांग्रेसले नेपालको हवाई सेवालाई सुरक्षित बनाउन सम्भाव्य सबै उपाय अवलम्बन गर्न पनि सरकारसँग माग गरेको छ।