बलिउडका पुराना अभिनेता शत्रुघन सिन्हाको ट्विटर एकाउन्ट ह्याक भएको छ। उनको एकाउन्ट गएराति ह्याक भएको हो। ह्याकरले उनको एकाउन्ट ह्याक गरी नाम ‘एलन मस्क’ राखिदिएका थिए। यति मात्र होइन, उनको प्रोफाइल फोटोसमेत परिवर्तन भएको थियो।
एकाउन्ट ह्याक भएको घन्टाैंसम्म उनी भने यस विषयमा अनविज्ञ नै थिए, जब कि सोही समयमा उनी ट्विट गरिरहेका थिए।
अहिले उनको नाम र प्रोफाइल पहिलेकै जस्तो बनाइएको छ। तर, उनले ट्विट गरिरहेकै समयमा ह्याक हुँदासमेत पत्तो नपाएपछि यतिवेला उनी सामाजिक सञ्जालमा ट्रोल भइरहेका छन्।