एनपिएल : ललित बने सबैभन्दा धेरै विकेट लिने खेलाडी

नेपाल प्रिमियर लिग (एनपिएल)मा जनकपुर बोल्टसका ललित राजवंशी सबैभन्दा बढी विकेट लिने खेलाडीको सूचीमा परेका छन् । आज (बिहीबार) जारी एनपिएलको दोस्रो क्वालिफायरमा कर्णालीविरुद्ध दुई विकेट लिएपछि राजवंशी सुदूरपश्चिमका स्कट क्रिस्टोफर कुगलेइनसँगै सर्वाधिक विकेट लिने खेलाडी बनेका हुन् । दुवैले समान १६-१६ विकेट लिएका छन् ।

कुगलेइनले आठ खेलमा १६७ रन दिँदा ६.४६ को इकोनोमीमा १६ लिएका छन् । ललितले नाै खेलमा १९८ रन दिँदा ५.५० को औसतमा १६ विकेट नै लिएका छन् । बढी रन दिएको आधारमा सूचीमा ललित दोस्रो स्थानमा छन् । ललितले सर्वाधिक चार मेडन राखेका छन् ।

सबैभन्दा बढी विकेटको टुंगो अन्तिम खेलबाट लाग्नेछ । जनकपुरलाई नै पराजित गर्दै सुदूरपश्चिम रोयल्स बुधबार फाइनलमा पुगेको थियो । फाइनल शनिबार हुनेछ । बढी विकेट लिनेमा अन्य खेलाडीमा चितवनका सोहेल तनविर १४, रिजन ढकाल १३, करण केसी १२ विकेट छन् ।