माछापुच्छ्रे क्यापिटल लिमिटेडले लगानी तथा वित्तीय जनचेतनासम्बन्धी प्रारम्भिक शिक्षा तथा सचेतना कार्यक्रम गरेको छ । क्यापिटलले विश्व लगानीकर्ता सप्ताहका अवसरमा रामग्राम– ५, नवलपरासीस्थित श्री आदर्श माध्यमिक विद्यालयमा कक्षा १० र ११ मा अध्ययनरत विद्यार्थीलाई लगानीसम्बन्धी सचेतना प्रदान गर्न कार्यक्रम आयोजना गरेको हो ।
युवा विद्यार्थीलाई सानै उमेरदेखि लगानीको महत्व बुझाउन विद्यालय व्यवस्थापन समिति, शिक्षकवर्ग, अभिभावक समितिलगायत ९५ जनामाझ उक्त कार्यक्रम गरेको हो ।
लगानी, प्रविधि र डिजिटल फाइनान्स तथा धोकाधडी र ‘बेसिस अफ इन्भेस्टिङ टेक्नोलोजी एन्ड डिजिटल फाइनान्स एन्ड फ्रड एन्ड स्क्याम प्रिभेन्सन’मा केन्द्रित रहेको कार्यक्रम फलदायी रहेको सहभागीले जनाए । माछापुच्छ्रे क्यापिटल लिमिटेड पब्लिक लिमिटेड कम्पनीका रूपमा स्थापित धितोपत्र व्यवसायी (मर्चेन्ट बैंकर) कम्पनी हो ।