Skip This
कांग्रेस नेता डा. शेखर कोइरालाले आगामी निर्वाचन एक्लै लड्न आजैदेखि मिहिनेत गर्नुपर्ने बताएका छन्।
कांग्रेस काठमाडौं महानगरपालिका– ३२ ले आज आयोजना गरेको शुभकामना आदानप्रदान कार्यक्रममा बोल्दै उनले आगामी निर्वाचनमा सबै दलले एक्लै प्रतिस्पर्धा गर्ने घोषणा गरेकाले आफ्नो पार्टी पनि कुनै दलसँग तालमेल नगरी चुनावमा जान सक्षम रहेको बताए। निर्वाचनमा एक्लै प्रतिस्पर्धा गर्न आजैदेखि तयारी गर्नुपर्नेमा उनले जोड दिए ।
उनले एमाले र नेपाली कांग्रेसबिच भएको सहमतिअनुसार नै सरकार सञ्चालन हुने बताउँदै राजनीतिक स्थायित्वका निम्ति दुईदलीय सरकार बनेको स्पष्ट पारे।
यसैगरी, कांग्रेसका केन्द्रीय सदस्य मोहनबहादुर बस्नेतले पार्टीलाई एकताबद्ध नबनाएसम्म एक्लै निर्वाचनमा स्पर्धा गर्न कठिन हुने बताए। विगतका निर्वाचनबाट पार्टीले पाठक सिक्नुपर्नेमा बस्नेतको जोड थियो।
2024-09-18-01-30-27.gif)
2024-09-18-01-30-29.gif)
