सिटिजन्स म्युचुअल फन्डअन्तर्गत सञ्चालित तीन योजनाको प्रतिफल घोषणा भएको छ । कोष व्यवस्थापक सिटिजन्स क्यापिटलको १३ असोजमा बसेको सञ्चालक समिति बैठकले यी योजनाका इकाइधनीलाई गत आव ०८०/८१ को मुनाफाबाट प्रतिफल दिने निर्णय गरेको हो ।
यसअन्तर्गत सिटिजन्स म्युचुअल फन्ड–१ ले ९ प्रतिशत, सिटिजन्स म्युचुअल फन्ड–२ ले ६.५ प्रतिशत र सिटिजन्स सुपर ३० म्युचुअल फन्डले इकाइधनीलाई करसहित १० प्रतिशत नगद लाभांश वितरण गर्नेछन् ।
प्रस्तावित लाभांश वितरण प्रयोजनका लागि क्यापिटलले असोज २३ गते एक दिन तीनवटै योजनाको बुक क्लोज गर्नेछ । आर्थिक चुनौतीका बाबजुद पनि सिटिजन्स क्यापिटलअन्तर्गतका तीनैवटा योजनामा लाभांश दिन सक्षम भएको क्यापिटलले जनाएको छ ।