एनएमबि बैंकले विश्व मुटु दिवसका अवसरमा निःशुल्क स्वास्थ्य शिविर आयोजना गरेको छ । बैंकले बबरमहल, धरान, मिलनचोक र महेन्द्रनगर शाखामा निःशुल्क स्वास्थ्य शिविर सञ्चालन गरेको हो । ग्राहक तथा समुदायमा रहेका मानिसलाई मुटुको स्वास्थ्यसम्बन्धी चेतना जगाउने उद्देश्यका साथ शिविर सञ्चालन गरिएको बैंकले जनाएको छ ।
शिविरमा स्वास्थ्यकर्मी र विशेषज्ञले साधारण स्वास्थ्य परीक्षण गरी मुटुलाई स्वस्थ राख्न आवश्यक जानकारी उपलब्ध गराएका थिए । साथै, यसै कार्यक्रमका माध्यमबाट मुटुसम्बन्धी रोग लाग्नबाट बच्ने प्रमुख कारण खानपान, स्वस्थ जीवनशैली, नियमित व्यायाम र स्वास्थ्य परीक्षण हुनुपर्नेमा जोड दिए ।