- वि.सं २o७९ भदौ १७ शुक्रबार
सुदूरपश्चिमको कञ्चनपुरबाट युवा संघ नेपालले महाकाली–मेची अभियान सुरु गरेको छ । नेकपा एकीकृत समाजवादीनिकट युवा संघ नेपालले शुक्रबारदेखि महाकाली-मेची अभियान सुरु गरेको हो ।
महाकाली नदीमा स्नान गरेर युवा संघ नेपालले महाकाली–मेची जागरण अभियान सुरुवात गरेको छ । युवा संघ नेपालका केन्द्रीय अध्यक्ष नरेश शाहीले मातृभूमिको रक्षा गर्न, गरिबी अन्त्य र बेरोजगारी हटाउनेदेखि भ्रष्टाचार रोकथाम गर्ने उद्देश्यका साथ महाकाली-मेची अभियानकाे सुरुवात गरेको बताए ।
‘हाम्रो मातृभूमिमाथि गिद्धेनजर लगाउनेमाथि खबरदारी गर्ने अभियान पनि हो,’ अध्यक्ष शाहीले भने, ‘राष्ट्रियता रक्षाका साथै विकृति अन्त्यका लागि देशव्यापी अभियान सञ्चालन गर्छौँ ।’ अभियान मेची पुगेर समापन गरिनेछ ।
