निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ श्रावण २४ मंगलबार
  • Tuesday, 09 August, 2022
उदयपुरकाे रौतामाई गाउँपालिका रौतापोखरीमा बसेकाे नेकपाकाे केन्द्रीय समिति बैठक
२०७९ जेठ १८ बुधबार १३:२२:००
Read Time : < 1 मिनेट
समाचार डिजिटल संस्करण

असोजमा महाधिवेशन गर्ने नेकपाकाे निर्णय

फुटवादलाई परास्त गर्दै एकीकृत जनक्रान्तिको संघर्षलाई नयाँ रूपमा अघि बढाउने नेकपाकाे निर्णय

Read Time : < 1 मिनेट
२०७९ जेठ १८ बुधबार १३:२२:००

आगामी असोज महिनामा नवौँ महाधिवेशन गर्ने निर्णय गर्दै नेत्रविक्रम चन्द विप्लव नेतृत्वको नेपाल कम्युनिस्ट पार्टी (नेकपा) को १३औँ केन्द्रीय कमिटी बैठक सम्पन्न भएको छ । उदयपुरको रौतामाई गाउँपालिकाको पर्यटकीय क्षेत्र रौतापोखरीमा बसेको बैठकले आगामी असोजमा पार्टीको नवौँ महाविधेशन गर्ने निर्णय गरेको हो । 

नेकपाका केन्द्रीय सचिवालय सदस्य सन्तोष बुढाले बैठकले आगामी असोज महिनामा पार्टीको नवौँ महाधिवेशन गर्ने निर्णय गरेको बताए । उनले भने, ‘१३औँ केन्द्रीय कमिटीको  बैठक सम्पन्न भएको छ ।  काठमाडौंमा जेठ २० गते पत्रकार सम्मेलन गरेर बैठकका निर्णय सार्वजनिक गर्छौँ । बैठकले मुख्य रूपमा आगामी असोजमा नवौँ महाधिवेशन गर्ने निर्णय गरेको छ ।’ 

बैठकले पार्टीको ‘फुटवाद’लाई परास्त गर्दै ‘एकीकृत जनक्रान्ति’को संघर्षलाई नयाँ रूपमा अघि बढाउने निर्णय गरेको पनि बताइएको छ । नाम नखुलाउने सर्तमा एक केन्द्रीय सदस्यले बैठकमा स्थानीय तह निर्वाचनको समीक्षा र पार्टी फुटको विषयमा छलफल भएको बताए । 

गत १२ देखि १७ जेठसम्म पार्टीको केन्द्रीय समितिको बैठक चलेको थियो । विभाजनपछि विप्लव नेतृत्वको नेकपाको पहिलो केन्द्रीय कमिटीको बैठक उदयपुरमा बसेको थियो । बैठकमा महासचिव विप्लवले राजनीतिक प्रस्ताव र आगामी नवौँ महाधिवेशनको प्रस्ताव पेस गरेका थिए । उक्त राजनीतिक र महाविधेशनको प्रस्तावमा बैठकमा सहभागी ५८ केन्द्रीय सदस्य र केन्द्रीय सल्लाहकार समितिका दुई सदस्यले आफ्ना धारणा राखेका थिए । बैठकको व्यवस्थापन नेकपा उदयपुरले गरेको थियो ।