काेराेना मिटर : आज ३७ सय ९० संक्रमित थपिए, सक्रिय संक्रमित ४० हजारभन्दा बढी
देशमा पछिल्लो २४ घन्टामा ३७ सय ९० जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले यो अवधिमा १५ हजार सात सय १४ जनाको नमुना परीक्षण गरेको जनाएको छ ।
योसमेत देशभर हालसम्म संक्रमित हुनेको संख्या एक लाख ३६ हजार ३६पुगेको छ ।
आज २३ सय ३५ जना संक्रमित निको भई डिस्चार्ज भएका छन् ।
अहिलेसम्म कुल ९४ हजार पाँच सय एकजना डिस्चार्ज भएको मन्त्रालयले जनाएको छ ।
संक्रमणमुक्त हुने दर ६९.५ प्रतिशत रहेको छ ।
हाल देशमा ४० हजार सात सय ७८ जना सक्रिय संक्रमित रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
हाल १३ हजार आठ सय ५१ जना संस्थागत आइसोलेसनमा र २६ हजार नौ सय २७ जना होम आइसोलेसनमा रहेको उनले बताए ।
संक्रमितमध्ये दुई सय ८२ जना आइसियू र ६३ जनाको भेन्टिलेरमा उपचार भइरहेको गौतमले जानकारी दिए ।