- वि.सं २o८१ माघ ९ बुधबार
उदयपुरको चौदण्डीगढी नगरपालिका– ३ बदेलपानीबाट पाँच किलो ९९० ग्राम गाँजासहित एक महिला पक्राउ परेकी छिन् । घरमै लुकाएर राखेको गाँजासहित २८ वर्षीया सम्झना राईलाई पक्राउ गरिएको जिल्ला प्रहरी कार्यालय उदयपुरका इन्स्पेक्टर सुमन बानियाँले जानकारी दिए ।
घरमा गाँजा राखी बिक्री–वितरण गर्दै आएको भनी आएको गोप्य सूचनाको आधारमा इलाका प्रहरी कार्यालय बेल्टारबाट खटिएको प्रहरीले महिलालाई पक्राउ गरेको हो ।
पक्राउ परेकी राईको काठले बनेको घरको किचेनमा खानतलासी गर्दा र्याकमा लुकाई राखिएको रातो प्लास्टिकमा तीन पोका र निलोपहेँलो रङको जेब्रा झोलामा गाँजा फेला परेको इन्स्पेक्टर बानियाँले बताए । पक्राउ परेकी महिलाबारे थप अनुसन्धान भइरहेको प्रहरीको भनाइ छ ।
