पुस ६ गते शनिबारदेखि पुस १२ गते शुक्रबारसम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको पुस ६ गते शनिबारदेखि पुस १२ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ)

साताको प्रारम्भमा साथी भाइहरुको साथ र सहयोग पूर्णरूपमा पाइनेछ । रमाइलो यात्राको योग रहेको छ । शेयर कारोबारमा लगानी गर्दा पछि फाइदा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । आर्थिक र व्यवसायिक समस्या समाधान हुनेछन् । आम्दानी बढ्नाले जीवनशैलीमा सुधार ल्याउन सकिनेछ। साताको अन्त्यमा महत्त्वपूर्ण अवसर गुम्न सक्नेछ । यात्रामा सावधानी पनि अपनाउनु पर्नेछ ।

बृष (इ, उ, ए, ओ, बा, बि, बु, बे, बो) 

मेहनतीहरूका लागि साता फलदायी रहनेछ । आफन्त र साथीभाइबाट सहयोग तथा हौसला प्राप्त हुनेछ । मुद्दामामिलामा विजयी भइनेछ । मित्रजनबाट साथ सहयोग मिल्ने देखिन्छ मन लोभ्याउने पहिरनले अरूको नजर आफूमाथि पार्नेछ । सप्ताहान्तमा सहयोगीहरू जुट्नेछन् र काम सफल हुनेछ। अर्थलाभ हुनाले दैनिकीमा परिवर्तन आउनेछ ।

मिथुन (का, कि, कु, घ, ङ, छ, के, को, ह)

साताको प्रारम्भमा भ्रमण, खानपान पहिरन तथा फेसनमा धन खर्च हुनेछ । महत्त्वपूर्ण अवसर गुम्न सक्नेछ, आफन्तको गतिलो समर्थन मिल्नेछ । घरायसी सुखको अनुभूति हुनेछ । साथीभाइसित भेटघाट हुनुका साथै मनोरञ्जनात्मक काममा संलग्न भइने छ । सप्ताहान्तमा भाग्यले साथ दिनेछ। सहयोगीहरू जुट्नाले नाम, दाम र इनाम हातपार्न सफल भइनेछ।

कर्कट (हि, हु, हे, हो, डा, डि, डु, डे, डो)

साताको प्रारम्भमा शत्रुहरू किनारा लाग्नेछन् । चिताएको कामले तीव्रता लिनेछ । राजनीतिक कार्यमा सफलता मिल्नेछ । जोश जाँगर र हिम्मत पनि बढ्नेछ महिला वा मित्रबाट विशेष सहयोग पनि मिल्नेछ । साताको मध्यमा दबाब र तनाव बढेको महसुस हुनेछ ।सोचे अनुरूप काम नबन्नाले दिक्क लाग्नेछ । सप्ताहान्तमा कामको सन्दर्भमा रमाइलो यात्रा र अतिरिक्त आम्दानी हुनेछ।

सिंह (मा, मि, मु, मे, मो, टा, टि, टु, टे) 

विभिन्न अवसरले पछ्याउनेछन् । नजिकको मित्रसँग भेटघाट हुनेछ । पठनपाठनमा प्रगति हुनेछ, तर साताको  उत्तरार्धमा धन खर्च हुनेछ । व्यावसायिक काममा सामान्य फाइदा उठाउन सकिने छ । विभिन्न भौतिक साधन जुट्नेछन्। लगनशीलतले नाम, दाम र इनाम दिलाउन सक्छ। मन मिल्ने साथी भेटिनुका साथै प्रेमको बन्धन कसिने सम्भावना छ।

कन्या (टो, प, पि, पु, ष, ण, ठ, पे, पो)

साताको प्रारम्भमा चुनौती चिर्दै काम बनाउन सकिनेछ । आतिथ्यपूर्ण सम्मान प्राप्तिको योग रहेको छ । अरुलाई प्रभावित पारेर काम बन्नेछ । व्यापार व्यवसायमा लाभ मिल्नेछ । उद्योग र व्यापारमा विशेष फाइदा हुनेछ । शत्रु र प्रतिस्पर्धीलाई सजिलै हराउन सकिने छ । पारिवारिक भेटघाटको समय छ । प्रतिस्पर्धीहरू समेत सहयोगीका रूपमा देखापर्नेछन् ।साताको अन्त्यमा विभिन्न भौतिक साधन जुट्नेछन् । वैदेशिक यात्रामा सफलता मिल्नेछ ।

तुला (र, रि, रु, रे, रो, ता, ति, तु, ते) 

साताको प्रारम्भमा अनावश्यक झमेलामा फस्न सकिने समय रहेको छ ।चुनौतीको सामना गर्दै अगाडि बढ्नुपर्ने ग्रहयोगले संकेत गरेको छ । बुधबारदेखि प्रयत्न गरे फाइदा पनि लिन सकिनेछ । टाढिएका साथीभाइ नजिकिने छन् । भाग्यको साथ पूर्णरूपमा मिल्नेछ । सप्ताहान्तमा विद्यार्थीहरूका लागि सुखद समाचार आउनेछ । विदेश ताक्नेहरूलाई यात्राको प्रक्रिया अघि बढ्नेछ। 

बृश्चिक (तो, ना, नि, नु, ने, नो, या, यि, यु) 

धनार्जनका नयाँ स्रोतहरू पत्ता लाग्नेछन् । नयाँ कार्यको थालनी हुनेछ । कूटनीतिक नियोगको सहयोग मिल्नेछ सफल यात्राको योग पनि छ । प्रशंसकहरूले साथ दिनेछन् । बिहीवारदेखि अलि जोखिमपूर्ण जिम्मेवारी प्राप्त हुनाले सावधानीका उपाय अवलम्बन गर्नुपर्ला। वैधानिक प्रावधानले पनि घुमाउरो मार्गबाट मात्र लक्ष्यमा पुग्न सकिनेछ।

धनु (ये, यो, भ, भि, भु, ध, फा, ढ, भे)

साताको प्रारम्भमा मनमा हर्ष, उमङ्ग र उत्साह छाउनेछ । विशिष्ट व्यक्तिको सहयोग पाइनेछ । मन लोभ्याउने पहिरनले अरूको नजर आफूमाथि पार्नेछ ।बिहीबार लेनदेन र हिसाबकिताबमा सावधान नहुँदा बीचमा केही विवाद हुन सक्छ। स्थान परिवर्तन हुने सम्भावना रहिरहने छ। सप्ताहान्तमा स्थिति अनुकूल हुनाले लक्ष्यमा पुगिनेछ। नयाँ कार्यको थालनी हुने योग रहेको छ ।

मकर (भो, ज, जि, खि, खु, खे, खो, गा, गि) 

साताको प्रारम्भ बाटै शुभ समाचार सुन्न पाइनेछ। नयाँ कार्यको थालनी हुन सक्ने ग्रहयोगले संकेत गरेको छ । राजनैतिक कार्यमा सफलता मिल्नेछ । आम्दानी पनि प्रशस्तै बढ्न सक्छ ।सहयोगीहरूले सकेको सहयोग गर्नेछन् । सप्ताहान्तमा स्वास्थ्यमा मौसमी गडबडी देखापर्न सक्छ। सोखले खर्च गराए पनि उद्देश्य पूरा नहुन सक्छ। झैझगडा बाट टाढै बस्दा उत्तम हुनेछ ।

कुम्भ (गु, गे, गो, सा, सि, सु, से, सो, द) 

साताको प्रारम्भमा योजना कार्यान्वयनमा ढिलाइ गर्नाले आफैं पछि परिनेछ । राजनैतिक कार्यमा बाधा आउनेछ । सम्पत्ति हराउने र  खर्च बढ्न सक्छ । बुधबारदेखि नयाँ ज्ञान प्राप्त हुने योग छ । समाजसेवामा लागि पर्नुपर्ने योग रहेको छ । सप्ताहान्तमा आगन्तुकले अलमल्याउने हुँदा चिताएको काममा पनि बाधा पुग्न सक्छ। धन खर्चहुने योग देखिएको छ।

मीन (दि, दु, थ, झ, ञ, दे, दो, च, चि)

जुक्ति तथा बुद्धिको प्रयोगले समस्या सुल्झाउन सकिनेछ । मनोरञ्जनमा सहभागिता भइएला । प्रशस्त धन आर्जन गर्ने अवसर पाउनुहुनेछ ।उठ्नुपर्ने रकम हातलागी हुने समय छ । अवसरका लागि चुनौतीसँग लड्नुपर्ने देखिन्छ। बिहीवारदेखि श्रम र व्यवसायबाट मनग्य आम्दानी हुनेछ। तर सप्ताहान्तमा व्यवसायीक यात्राको योग रहेको छ ।