नवलपुरको देवचुली नगरपालिका- २ दुम्कौलीमा जंगली च्याउ खाँदा एकै परिवारका पाँचजना बिरामी परेका छन् । इलाका प्रहरी कार्यालय रजहरका अनुसार दुम्कौली निवासी २८ वर्षीय धनमाया राजवंशीले जंगलबाट ल्याएको च्याउ खाने क्रममा गएराति एकै परिवारका पाँचजना बिरामी परेका हुन् ।
च्याउ खाएर देवचुली– २ निवासी २६ वर्षीय मदन राजवंशी, २८ वर्षीया धनमाया राजवंशी, नाै वर्षीया रिदिमा राजवंशी, ४८ वर्षीय बाबुलाल राजवंशी र ४६ वर्षीया रनमाया राजवंशी बिरामी भएका हुन् । उनीहरूको स्वास्थ्य अवस्था मध्यम रहेको प्रहरीले जनाएको छ ।
उनीहरूको अहिले पुरानो मेडिकल कलेज भरतपुरमा उपचार भइरहेको प्रहरीले जनाएको छ ।