भ्रष्टाचार र बेथितिविरुद्ध नेकपा माओवादी केन्द्रको खबरदारी जुलुस सुरु भएको छ। माओवादी केन्द्र बामगती, उपत्यका विशेष र सम्पर्क समन्वय प्रदेश समितिको अगुवाईमा सुन्धाराबाट सुरु भएको जुलुस रत्नपार्क, बागबजारहुँदै प्रदर्शनीमार्गमा पुगेर खबरदारीसभामा परिणत हुनेछ।
भ्रष्टाचारीलाई कारबाही गर, संसारका मजदुर एक हौं, सुशासन कायम गर लगायतका नारा लगाउँदै जुलुस सभास्थलतर्फ जाँदैछ । सभालाई अध्यक्ष पुष्पकमल दाहाल ‘प्रचण्ड’लगायतका नेताहरुले सम्बोधन गर्ने कार्यक्रम छ ।