एमाले काभ्रेपलाञ्चोक जिल्ला कमिटी अध्यक्षमा तीन सय ८० मत प्राप्त गरी राजन भुर्तेल निर्वाचित भएका छन्। अध्यक्षका प्रतिस्पर्धी चन्द्रबहादुर लामालाई ८१ मतले पछि पार्दै भुर्तेल विजयी भए ।
जिल्ला कमिटी उपाध्यक्षमा देवसागर लामा, सचिवमा राजकुमार सापकोटा, उपसचिवमा रत्नकुश रञ्जितकार र सूर्यमाया दनुवार निर्वाचित भए । मतदानमा ६ सय ७९ जना सहभागी भएका थिए ।
धुलिखेलमा आयोजित ११औँ जिल्ला अधिवेशनको पार्टी अध्यक्ष केपी ओलीले उद्घाटन गरेका थिए । जिल्ला कमिटीमा पाँच पदाधिकारी, भौगोलिक क्षेत्रबाट ८०, समावेशीतर्फ १३ र खुलामा सात सदस्य गरी एक सय पाँचजना निर्वाचित भएका छन् ।
See More On
