- वि.सं २o७९ कार्तिक १७ बिहीबार
क्यानडाले चिनियाँ कम्पनीसँग गरेका खनिज सम्झौता खारेज गरेको छ। क्यानडाले राष्ट्रिय सुरक्षालाई दृष्टिगत गरी तीनवटा चिनियाँ कम्पनीसँगको सम्झौता कार्यान्वयन नगर्ने निर्णय गरेकाे हो।
साथै उसले ती कम्पनीलाई सम्झौताबाट बाहिरिन आदेश पनि दिएको छ। क्यानडाका विज्ञान एवं उद्योगमन्त्री फ्रान्कोइस फिलिप स्याम्पेनले खनिज क्षेत्रमा संलग्न देशका कम्पनीको लगानीको समीक्षापछि सरकार उक्त निर्णयमा पुगेको बताएका छन्।
मन्त्री स्याम्पेनका अनुसार प्रत्यक्ष वैदेशिक लगानीलाई स्वागत गर्ने देशको नीति भए पनि मुलुकको राष्ट्रिय सुरक्षा तथा महत्वपूर्ण खनिज आपूर्ति शृंखलामा समस्या हुन नदिन उक्त निर्णय गरिएको हो।
चीनले विश्वभरका दुर्लभ खनिज तत्वमाथि आफ्नो प्रभुत्व कायम गरिरहेका वेला क्यानडाको उक्त निर्णय सार्वजनिक भएको छ। धातु एवं खनिजमा आत्मनिर्भर बन्ने बेइजिङको प्रयासमा तुषारापात भएको छ। चीनले आफैँ धेरै खनिज उत्पादन नगरे पनि क्यानडालगायत देशबाट आवश्यक कच्चा पदार्थ प्राप्त गर्न ती मुलुकमा भारी मात्रामा लगानी गरेको छ।
