वर्षाका कारण बाजुराको बुढीगंगा नगरपालिका– १ अम्कोटमा पहिरो जाँदा चार महिनादेखि अवरुद्ध साँफे–मार्तडी राजमार्ग पुनः सञ्चालन भएको छ।
चार महिनादेखि पूर्ण रूपमा अवरुद्ध राजमार्ग आइतबारदेखि सञ्चालन भएको हो। बुढीगंगा र बडीमालिका नगरपालिकाको पहल तथा जिल्ला प्रशासन कार्यालयको समन्वयमा राजमार्ग पुनः सञ्चालन भएको हो। लामो समयदेखि राजमार्ग अवरुद्ध हुँदा जिल्लाको जनजीवन प्रभावित भएको थियो।