- वि.सं २o७९ जेठ ३१ मंगलबार
विशेष अदालतले शुक्रबार घुस लिने–दिने दुवैलाई सफाइ दिएको छ । जिल्ला प्राविधिक कार्यालय भोजपुरका तत्कालीन सिडिई तथा प्रमुख इन्जिनियर लालु गिरी र उनलाई घुस दिने निर्माण व्यवसायी देवजंग शाहीलाई सफाइ दिइएको हो । एमके/वाइपी जेभीका प्रतिनिधि देवजंग शाहीले गिरीकी श्रीमतीको खातामा १८ लाख ५० हजार घुस दिएको अभियोग अख्तियारको थियो ।
शाहीकै निवेदनका आधारमा आयोगले उनलाई पक्राउ गरेको थियो । तर, अदालतमा प्रतिकूल बकपत्र गरेपछि शाहीविरुद्ध पनि पछि मुद्दा दायर गरिएको थियो । जसमा शुक्रबार न्यायाधीशहरू श्रीकान्त पौडेल र खुसीप्रसाद थारूको इजलासले उनलाई सफाइ दिएको हो ।
थप अनुसन्धानको क्रममा नक्कली बैंक ग्यारेन्टी बनाएको खुलेपछि गिरी र शाहीसहित सातजनाविरुद्ध अर्काे मुद्दा दायर गरेको थियो । शुक्रबारै त्यसमा भने आंशिक ठहरको फैसला भएको छ । जसमा गिरीले भने सफाइ पाएका छन् ।
