झापामा मासु व्यवसायीको हत्या

Read Time : < 1 मिनेट

चिरञ्जीवी घिमिरे, झापा

नयाँ पत्रिका

२o८१ बैशाख २५ मंगलबार १o:४६:oo

झापामा एक मासु व्यवसायीको हत्या भएको छ । बिर्तामोड– ५ स्थित महानन्द चोकमा घुम्तीमा बंगुरको मासु बेच्दै आएका अर्जुनधारा– ६ का अन्दाजी ५० वर्षीय इन्द्रबहादुर मगरको धारिलो हतियार प्रयोग गरी हत्या भएको जिल्ला प्रहरी कार्यालय झापाले जनाएको छ ।

उनको गर्दनमा चोट लागेको प्रहरीले जनाएको छ । उनको शरीरको अन्य भागमा पनि चोट छ । घटना आइतबार राति भएको जिल्ला प्रहरी कार्यालय झापाका प्रमुख प्रहरी उपरीक्षक सानुराम भट्टराईले जानकारी दिए ।

शव पोस्टमार्टमका लागि बिपी कोइराला स्वास्थ्य विज्ञान प्रतिष्ठान धरान पठाइएको उनले बताए । घटनाबारे अनुसन्धान सुरु भइसकेको एसपी भट्टराईले जानकारी दिए ।

#हत्या