- वि.सं २o७८ असोज ८ शुक्रबार
नेपाली कांग्रेसका नेता गगन थापाले बेहाल अवस्थामा कहिलेसम्म पार्टी चलाइरहने भनेर नेतृत्वलाई प्रश्न गरेका छन् । शुक्रबार सामाजिक सञ्जालमार्फत थापाले नेताले आदेश दिने र कार्यकर्ता आदेश कुरेर बस्नुपर्ने थितिको अन्त्य हुनुपर्नेमा जोड दिएका छन् ।
पार्टी अधिवेशनको मिति सरेपछि थापाले लेखेका छन्, ‘कति सजिलै सर्छ ? अधिवेशनको मिति ! १३ जिल्लाको वडा अधिवेशनकै टुंगो छैन ।कहिल्यै विधिमा चल्नु नपर्ने, थितिमा बस्नु नपर्ने, बेथितिको जिम्मा लिनै नपर्ने । वश, नेताले आदेश दिए पुग्ने, कार्यकर्ता आदेश कुरेर बस्नुपर्ने ! अब नि यस्तो बेहालमा पार्टी चलाइरहने कि बदल्ने ? सोचौँ ।
