- वि.सं २o८१ फाल्गुण १९ सोमबार
ऊर्जा, जलस्रोत तथा सिँचाइ मन्त्रालयले नेपाल विद्युत् प्राधिकरणका कार्यकारी निर्देशक कुलमान घिसिङसँग अर्काे प्रतिशोध लिएको छ । मन्त्री दीपक खड्काको निर्देशनमा उनलाई गत आर्थिक वर्षको कार्यसम्पादन नम्बर शून्य दिने निर्णय गरेको छ।
मन्त्रालयका सहसचिव नेतृत्वको कार्यसम्पादन मूल्यांकन समितिले उनलाई शून्य अंक दिएको थियो । समयमा कार्यसम्पादन मूल्यांकनसम्बन्धी फारम ढिला बुझाएको भन्दै नम्बर नै नदिने निर्णय गरेको हो । प्रतिशोधस्वरूप मन्त्री खड्काकै निर्देशनमा यसरी शून्य नम्बर दिने निर्णय गरेको मन्त्रालय स्रोत बताउँछ । मन्त्री खड्का जसरी पनि कुलमानलाई हटाउने तिकडममा छन्।
जबकि सरकारका संस्थानहरूमध्ये नेपाल विद्युत् प्राधिकरणले उत्कृष्ट काम गरी उच्च मुनाफा आर्जन गर्दै आएको छ । चालू आर्थिक वर्षको ६ महिनामा मात्र प्राधिकरणले ११ अर्ब ३६ करोड नाफा आर्जन गरेको थियो ।
तर, घिसिङलाई हटाएर अनुकूल व्यक्तिलाई प्राधिकरणमा नियुक्त गर्न मन्त्री खड्काले पटक–पटक उनीसँग स्पष्टीकरणसमेत माग्ने काम गरेका छन् ।
