- वि.सं २o८१ फाल्गुण १० शनिबार
चेम्बर अफ कमर्सका पूर्वअध्यक्ष राजेशकाजी श्रेष्ठको जीवनीमा आधारित पुस्तक ‘व्यक्तित्व योगदान’ सार्वजनिक भएको छ । शुक्रबार प्रधानमन्त्री केपी ओलीले एक कार्यक्रमबिच ईश्वरलाल प्रतिष्ठानद्वारा प्रकाशित सो पुस्तक लोकार्पण गरेका हुन् ।
पुस्तक लोकार्पण कार्यक्रमलाई सम्बोधन गर्दै प्रधानमन्त्री ओलीले व्यावसायिक क्षेत्र र चेम्बर अफ कमर्सको संस्थागत विकासमा योगदान दिएका श्रेष्ठको व्यक्तित्व र कृतित्व नयाँ पुस्ताका लागि प्रेरणादायी हुने बताए ।
प्रधानमन्त्री ओलीले आफूहरू बोल्न नपाउने अवस्थाविरुद्ध लडेर आएकाले अभिव्यक्ति स्वतन्त्रताको अधिकार मिच्ने कुनै काम सरकारबाट नहुने स्पष्ट पारे । हिजो सँगै रहेर मस्यौदा गरेका केही मान्छेहरूले अहिले अभिव्यक्ति स्वतन्त्रता हनन हुन लाग्यो भनेर सामाजिक सञ्जालमा विधेयकविरुद्ध चर्का कुरा गरेर हल्ला गरेको उनको टिप्पणी थियो ।
