- वि.सं २o८१ माघ ९ बुधबार
गुन्डागर्दीको आरोपमा प्रहरीले दीपक पण्डितलाई पक्राउ गरेको छ। नुवाकोटको पञ्चकन्या गाउँपालिका–४ घर भई काठमाडौंको तारकेश्वर–११, नेपालटार बस्ने उनलाई एक व्यक्तिमाथि आक्रमणको आरोपमा प्रहरीले पक्राउ गरेको हो।
उनले गत १९ पुसमा तारकेश्वर नगरपालिका–१ साङ्लामा रोशन पण्डितलाई मरणासन्न हुने गरी कुटेका थिए। बियरको बोतल तथा सिसाको ग्लासले आक्रमण गरेर घाइते भएको घटनामा ज्यान मार्ने उद्योग कसुरमा जाहेरी दर्ता भएपछि उनी पक्राउ परेका हुन्।
पक्राउ परेका अभियुक्त गुन्डागर्दी, लागुऔषध, जुवालगायत अपराधमा संलग्न रहेको काठमाडौं परिसरकी डिएसपी पूर्णिमा चन्दले बताइन्।
