गोरखाबाट काठमाडौंका लागि छुटेको बस दुई दिन देखि बेपत्ता

Read Time : < 1 मिनेट

विवेक पोख्रेल, चितवन

नयाँ पत्रिका

२o८१ असोज १३ आइतबार o९:१o:oo

शुक्रबार गोरखाको धार्चे गाउँपालिका–७ लापुबेसीबाट काठमाडौंका लागि छुटेको बस सम्पर्क विहिन भएको छ। ना४ख २२७० नम्बरको बस सम्पर्कविहीन भएको गोरखाका प्रमुख जिल्ला अधिकारी भोला दाहालले नयाँ पत्रिकालाई जानकारी दिए ।

उनका अनुसार शुक्रबार बिहान ७ बजे लापुबाट छुटेको बस साढे १ बजे मुग्लिङ्ग कटेको थियो । उनका अनुसार चालक गोरखा भिमसेन नगरपालिकाका मदन परियार सहित बसमा चार जना सवार थिए । त्यसमध्ये यात्रु एक जना र अरु तीन जना बसकै कर्मचारी रहेको बुझ्न आएको प्रमुख जिल्ला अधिकारी दाहालले बताए । उक्त गाडी काठमाडौँबाट मानिस ल्याउनका लागि गएको थियो ।

सम्पर्क विहिन भएको सो गाडी गोरखा दरौंदी यातायात सेवा प्रालिको हो । प्रालिका अध्यक्ष नारायण खत्रीका अनुसार शुक्रबार राति करिब १० बजे धादिङको खानीखोलासम्म सम्पर्कमा थियो । बस त्यसयता सम्पर्कविहीन बनेको छ ।

#बस