कपिलवस्तुको बाणगंगामा पौडी खेल्ने क्रममा खोलामा डुबेर दुई बालकको ज्यान गएको छ।
बाणगंगा नगरपालिका– ८ ढोडेकोल बस्ने दुई बालकको ज्यान गएको प्रहरीले जनाएको छ।
कोइली खोलामा पौडी खेल्ने क्रममा ठाकुर भण्डारीका छोरा १६ वर्षीय प्रतीक भण्डारी र सोही ठाउँ बस्ने कृष्ण सापकोटाका छोरा १५ वर्षीय सरोज सापकोटाको ज्यान गएको जिल्ला प्रहरी कार्यालय कपिलवस्तुले जनाएको छ।
उनीहरू स्थानीय खेलमैदानमा फुटबल खेलेपछि पौडी खेल्न खोलामा गएको बताइएको छ। मृतक बालकहरूको शव पोस्टमार्टमका लागि पिपरा अस्पतालमा पठाइएको प्रहरीले जानकारी दिएको छ।