Skip This
बाँदर धपाउने क्रममा भरुवा बन्दुक पड्किँदा एक युवा घाइते भएका छन्। मास खान आएको बाँदर धपाउन खेतमा जाने क्रममा चिप्लिएर लड्दा भरतपुर– २९ का २३ वर्षीय पासाङ भुजेल आफैँले बोकेको बन्दुक पड्किएर घाइते भएका हुन् । उनको शरीरमा छर्रा लागेको छ ।
भरतपुरस्थित नयाँ मेडिकल कलेजमा उनको उपचार भइरहेको छ। बुधबार साँझ भएको उक्त घटनाको अनुसन्धानमा जाने क्रममा बिहीबार भरतपुर– २९ बिनीडाँडामा भरुवा बन्दुक बोकेर हिँडिरहेका ४४ वर्षीय कुमार गुरुङलाई प्रहरीले नियन्त्रणमा लिएको छ ।
जिल्ला प्रहरी कार्यालय चितवनका अनुसार सोही वडाको सिरुबारीस्थित झाडीमा थप एक थान भरुवा बन्दुक फेला परेको छ। यस विषयमा प्रहरीले थप अनुसन्धान गरिरहेको बताएको छ।
