- वि.सं २o८o मङ्सिर ८ शुक्रबार
मनकामना दर्शन प्रालिले आफ्नो २५औँ वार्षिकोत्सवको अवसरमा विभिन्न कार्यक्रम सम्पन्न गरेको छ । कम्पनीले संस्थागत सामाजिक उत्तरदायित्वअन्तर्गत बिहीबार गोरखाको मनकामनास्थित प्रसिद्ध धार्मिकस्थल मनकामना देवीको मन्दिरपरिसरमा सरसफाइ कार्यक्रम गरेको हो । सोही दिन केबलकारको तल्लो स्टेसन चेरेसमा रक्तदान कार्यक्रम सम्पन्न गरेको कम्पनीले जनाएको छ ।
२५ वर्षदेखि चितवनको कुरिनटारदेखि गोरखाको मनकामना मन्दिरसम्म केबलकार सेवा सञ्चालन गरिरहेको मनकामना दर्शन प्रालिले माता मनकामनाको मन्दिरलाई मात्रै नभएर चितवनको इच्छाकामना र गोरखाको सहिद लखन गाउँपालिकालाई नै पर्यटकीय गन्तव्यका रूपमा स्थापित गर्न अतुलनीय योगदान गरेको कम्पनीको भनाइ छ ।
कम्पनीले केबलकार टिकटबाट भएको वार्षिक आम्दानीको १–१ प्रतिशत हिस्सा यी दुई गाउँपालिकालाई उपलब्ध गराउँदै आएको छ ।
