- वि.सं २o८o जेठ २६ शुक्रबार
नेपाल आर्थिक पत्रकार समाज (सेजन)का पूर्वअध्यक्ष नारायणप्रसाद सापकोटाद्वारा लिखित उपन्यास ‘सेयरपुर’माथि विमर्श भएको छ । काठमाडौंमा बिहीबार आयोजित कार्यक्रममा नेपाल धितोपत्र बोर्डका अध्यक्ष रमेश हमाल, (सेजन)का वर्तमान तथा पूर्वअध्यक्षबीच उपन्यासमाथि विमर्श गरिएको हो ।
पुस्तकमाथिको छलफलमा बोर्डका अध्यक्ष हमालले पुस्तकले सेयर बजारमा लगानी गर्नका लागि प्रोत्साहित गरेको बताए । नेपालमा पुँजी बजार क्रमशः विस्तार हुँदै गएको हमालको भनाइ थियो । उनले उपन्यासमा रहेको पदम पात्रसँग सन्दर्भ जोड्दै आफू पनि नेपालमा विरक्त लागेर विदेश २० वर्ष बसेर पुनः स्वदेश फर्किएको स्मरण गरे ।
नेपालको सेयर बजार अझै सानो रहेको र पारदर्शी नभएको बताउँदै उनले पारदर्शी बनाउन प्रतिस्पर्धाको वातावरण तय गरिँदै लगेको बताए । क्षमता हुनेले व्यवसाय गर्न पाउने गरी वातावरण तय गरिएको उनको दाबी थियो ।
