- वि.सं २o७९ चैत २८ मंगलबार
लक्ष्मी बैंकका कर्मचारीहरूद्वारा स्थापित गैरनाफामूलक संस्था लक्ष्मी केयर्सले अरेन्ज भाइब्स नामक सांगीतिक कार्यक्रम आयोजना गरेको छ ।
गोकर्ण फरेस्ट रिसोर्टमा आयोजित कार्यक्रममा दीपक बज्राचार्य र रिदम ब्यान्डको सांगीतिक प्रस्तुतिका साथसाथै नेपालका विभिन्न स्थान तथा संस्कृतिको प्रतिनिधित्व गर्ने मौलिक परिकार प्रस्तुत गरिएको थियो । कार्यक्रममा विभिन्न पेसा तथा व्यवसायमा संलग्न करिब लक्ष्मी केयर्सका १२ यसभन्दा बढी हितैषीको उपस्थिति थियो । यस्तै, सेफ सन्तोष साह कार्यक्रमको विशेष अतिथिका रूपमा उपस्थित थिए ।
यस कार्यक्रमबाट संकलित रकम लक्ष्मी केयर्सको वातावरण संरक्षण तथा नवीकरणीय ऊर्जा प्रवद्र्धनलगायतका विविध सामाजिक कार्यमा उपयोग हुने बताइएको छ । यसअघि लक्ष्मी केयर्सले देशभर विभिन्न स्थानमा सौर्य बत्ती जडान गर्नुका साथै वृक्षारोपण गरेको छ ।
