इुवा बलर दीपेश कँडेलले ह्याट्रिकसहित पाँच विकेट लिएपछि मंगलबार छैटौँ सप्तरी प्रिमियर लिगमा तिरहुत टाइगर्सले राजविराज राजदेवी ११ लाई ७७ रनले पराजित गरेको छ । पहिलो ब्याटिङ गरेको तिरहुतले १८ ओभरमा ६ विकेट गुमाएर एक सय ७९ रनको योगफल खडा गरेको थियो । प्रत्युत्तरमा दीपेशको घातक बलिङ सामना गर्न नसक्दा १ सय ८० रनको लक्ष्य पछ्याएको राजविराज १३.५ ओभरमा १ सय २ रनमा समेटिएको थियो ।
तिरहुतको जितमा बायाँहाते स्पिनर दीपेश ह्याट्रिकसहित ५ विकेट लिन चार ओभरमा १६ रन खर्चेका थिए । उनी खेलका म्यान अफ दी म्याच भए । उनले खेलको नवौँ ओभरको पहिलोदेखि चौथो बलसम्म विकेट लिएका थिए । अर्का बायाँहाते स्पिनर बसिर अहमदले तीन विकेट लिए ।
राजविराजका लागि श्रवण यादवले सर्वाधिक ३७ रन तथा हिमांशु दत्ताले १८ रन बनाए । यसअघि तिरहुतका लागि दुई खेलाडीले अर्धशतक बनाएका थिए । ओपनर अमित यादवले ६३ रन जोड्न ४१ बलमा १ चौका र ८ छक्का प्रहार गरे । अभिषेक कार्कीले २७ बलमा २ चौका र ७ छक्का मद्दतले ६१ रन जोडे । राजविराजका रिजन ढकाल, रञ्जित कुमार र श्रवण यादवले समान २ विकेट लिए ।
