खप्तड राष्ट्रिय निकुञ्ज क्षेत्रमा केन्द्रबिन्दु बनाई बुधबार बिहान २ बजेर १२ मिनेटमा गएको ६.६ म्याग्निच्युडको सबैभन्दा ठूलो असर डोटीको गैरागाउँमा परेको छ ।
पूर्वीचौकी गाउँपालिका– ३ मा पर्ने गैरागाउँका आठ घर पूर्ण रूपले ध्वस्त भएका छन् । घर र गोठ ढलेपछि त्यसमा पुरिएर चार बालबालिकासहित ६ जनाको ज्यान गएको छ । पाँच घाइते छन् । दुईजना अझै हराइरहेका छन् ।
भूकम्पले ध्वस्त बनाएको गैरागाउँका तस्बिर अहिले सामाजिक सञ्जालमा आउन थालेका छन् । तिनै तस्बिरलाई हामीले साभार गरेका छौँ ।