Skip This
ललितपुरको ग्वार्काेमा फ्लाइओभर बन्दै छ । आगामी असारभित्र निर्माण सक्ने गरी सडकको दायाँबायाँतर्फ रि–वाल प्यानल हालेर बीचमा माटो फिलिङ गरी स्लोप बनाउने काम भइरहेको छ ।
१२ वैशाखमा ग्रिडर राख्ने काम पनि भएको सडक विभागका सिडिई राकेश महर्जनले बताए । उनका अनुसार अब ग्रिडरमाथि स्लोप ढलानको काम हुनेछ । आगामी असारभित्र अन्डरपास सडकसहित चार लेन सडक भएको फ्लाइओभर निर्माणको लक्ष्य छ ।
आशिष–समानान्तर–रेलिगेर जेभीले भ्याटसहित १७ करोड ६ लाखमा २७ माघ ०७८ मा फ्लाइओभरको ठेक्का पाएको थियो । ११ फागुनभित्र निर्माण सक्नुपर्ने सम्झौता रहे पनि अब आगामी असारसम्मको लक्ष्य राखिएको छ ।
