- वि.सं २o७९ असोज ३० आइतबार
क्यारिकेचर अनुभव
मैले क्यारिकेचर गर्दा मासलाई यो क्यारिकेर मन पर्छ भन्ने अड्कल काटेर गर्छु । सम्बन्धित व्यक्तिको अन्तर्वार्ता र भाषण गरेको भिडियो निरन्तर हेर्छु । पारस शाहको क्यारिकेचर गर्न निकै धेरै अभ्यास गरेको छु । उहाँको हाउभाउ र शैली पछ्याउन निकै समय लाग्यो । मेरो उक्त प्रस्तुतिले राम्रो प्रतिक्रिया पाउँदा निकै खुसी लागेको थियो । पूर्वयुवराजले पनि उक्त प्रस्तुति मन परेको बताउनुभएको थियो ।
नेपाली कांग्रेसका नेता रामचन्द्र पौडेलको क्यारिकेचर गर्न निकै कठिन छ । धेरै लामो समयसम्म उहाँको क्यारिकेचर गर्यो भने घाँटी नै दुख्छ । म प्रायः बजारमा बिक्ने विषयवस्तु र पात्र छानेर क्यारिकेचर गर्छु । यसरी क्यारिकेचर गर्दा दर्शकलाई स्वस्थ मनोरञ्जन प्रदान गर्नेतर्फ ध्यान केन्द्रित हुन्छ । साथै, मैले क्यारिकेचर गरेको पात्रमाथि अन्याय नहोस् भन्नेतर्फ पनि सतर्क रहन्छु ।
