- वि.सं २o७९ भदौ २४ शुक्रबार
के तपाईं पसिनाको दुर्गन्धबाट हैरान हुनुहुन्छ ? यदि यस्तो छ भने चिन्ता नगर्नुस्, पसिना र त्यसको गन्ध दुवै तपाईंको स्वास्थ्यका लागि फाइदाजनक छ । पसिनाले तपाईंलाई हाइड्रेट राख्ने मात्र होइन, छालाका कैयौँ रोगबाट पनि बचाउँछ ।
हाम्रो छालामा दुई सयभन्दा धेरै प्रकारका ब्याक्टेरिया हुन्छन् । पसिना निस्किएपछि ती एक्टिभ हुन्छन् । पसिना आफैँमा दुर्गन्धित होइन, तर हाम्रो काखी र जाँघहरूबीचबाट निस्कने पसिनामा तेल, फ्याट र प्रोटिन धेरै हुनाले यो दुर्गन्धित बन्छ ।
तर, यसले हानिकारक ब्याक्टेरिया, एक्जिमाजस्ता रोगबाट बचाउँछ । एमआरएसएजस्ता रोगलाई पनि पसिनाले टाढा राख्छ । यस्ता ब्याक्टेरिया प्रायः अस्पतालआसपास पाइन्छन् । अमेरिकामा ठूलो संख्यामा मानिसहरू यस रोगबाट हैरान छन् ।
योर्क विश्वविद्यालयका बायोलोजिस्ट गेविन थोमस भन्छन्, ‘हाम्रो शरीरका ब्याक्टेरियाका कारण पसिनामा दुर्गन्ध आउँछ । भोका ब्याक्टेरियाले पसिनाको मोलिक्युल खान्छन् । यसबाट अन्य मोलिक्युल बन्छन् । यसको गन्ध अलग–अलग हुन्छ ।’
डर्माटोलोजिस्ट रिचार्ड गैल भन्छन्, ‘हाम्रो पसिना एक तरिकाको एन्टिबायोटिक जुुस हो, जसले हानिकारक ब्याक्टेरियासँग लड्नका लागि एउटा पर्खाल खडा गरिदिन्छ । एन्टिब्याक्टेरियल साबुनबाट नुहाएपछि पनि यो हाम्रो शरीरमा मौजुद हन्छ । नुहाएको १० मिनेटभित्रै यो फेरि तयार हुन्छ र हाम्रो शरीरलाई स्वस्थ राख्छ ।’
