- वि.सं २o७९ भदौ ९ बिहीबार
नेकपा (एकीकृत समाजवादी) इलामले जिल्लाको सबै निर्वाचन क्षेत्रको उम्मेदवारको नामावली सिफारिस गरेको छ। पार्टीको जिल्ला कमिटीको बैठकले सबै निर्वाचन क्षेत्रको उम्मेदवारको नामावली सिफारिस गरेको हो।
प्रतिनिधिसभाका लागि प्रत्यक्षतर्फ क्षेत्र नम्बर १ मा पूर्वप्रधानमन्त्री तथा सम्मानित नेता झलनाथ खनाल र क्षेत्र नम्बर २ मा युवा संघका उपमहासचिव एवं प्रवक्ता सञ्जिप राईको नाम सिफारिस गरिएको छ।
प्रदेश सभातर्फ क्षेत्र–१ (क, ख)का लागि जिल्ला अध्यक्ष भक्त केसी, खिनु लङुवा, जितबहादुर राई, वृहस्पति खतिवडा, सावित्रा गर्तौला र क्षेत्र–२ (क, ख)का लागि हरि वाला, प्रमिला बस्नेत, सञ्जिप राई, सोम शर्मा, हर्क साम्बालगायतको नाम सिफारिस गरिएको जिल्ला सचिवालय सदस्य हेमराज लिम्बूले जानकारी दिएका छन्।
