- वि.सं २o७९ भदौ ९ बिहीबार
भारतीय सेनाप्रमुख मनोज पाण्डे नेपालको औपचारिक भ्रमणमा आउने भएका छन् । प्रधानसेनापति प्रभुराम शर्माको निमन्त्रणामा उनी १९ देखि २३ भदौमा नेपाल आउने भएका हुन् । पाण्डेको पाँचदिने भ्रमण तय भएको सैनिक प्रवक्ता सहायकरथी नारायण सिलवालले जानकारी दिए ।
‘उहाँको भ्रमणको मिति स्वीकृत भएको छ । बाँकी कार्यक्रमबारे तयारी भइरहेको छ,’ उनले भने । पाण्डेले राष्ट्रपति विद्यादेवी भण्डारीबाट नेपाली सेनाको मानार्थ महारथीको दर्ज्यानी चिह्न लगाउने कार्यक्रम छ ।
त्यसबाहेक उनले प्रधानसेनापति शर्मासँग द्विपक्षीय वार्ता गर्नेछन् । राष्ट्रपति भण्डारी र प्रधानमन्त्री शेरबहादुर देउवासँग पनि उनको शिष्टाचार भेट हुनेछ ।
