- वि.सं २o७९ श्रावण २५ बुधबार
कोरोना संक्रमण बढेसँगै मृत्युदरसमेत बढेको छ । पछिल्लो २४ घण्टामा कोरोना संक्रमित तीनजनाले ज्यान गुमाएका छन् ।
स्वास्थ्य तथा जनसंख्या मन्त्रालयले बुधबार गरेको नियमित पत्रकार सम्मेलनमा तीनजनाको मृत्यु भएको जानकारी दिइएको हो । यससँगै हालसम्म कोरोनाबाट ज्यान गुमाउनेको संख्या ११ हजार ९७७ पुगेको छ ।
देशभर थप ८६८ जनामा संक्रमण पुष्टि भएको छ । तीन हजार ६१४ पिसिआर परीक्षण गर्ना ४९६ र तीन हजार ९१ एन्टिजेन परीक्षण गर्दा ३७२ नयाँ संक्रमित फेला परेका हुन् । नेपालमा हाल ५ हजार ८८५ सक्रिय संक्रमित रहेका छन् ।
२४ घण्टामा कुल ६ हजार ७०५ जनाको नमुना परीक्षण गरिएको मन्त्रालयले जानकारी दिएको छ । पछिल्लो २४ घण्टामा ४१४ निको भएका छन् भने एक लाख ३८ हजार ८४० जनाले कोरोनाविरुद्धको खोप लगाएको मन्त्रालयले जानकारी दिएको छ ।
