Read Time : < 1 मिनेट
२०७९ श्रावण २४ मंगलबार १६:३५:००
नेपाली कांग्रेसले देशभरका स्थानीय तहका जनप्रतिनिधिहरूलाई अभिमुखीकरण तालिम दिने भएको छ। उपसभापति पूर्णबहादुर खड्का संयोजक रहेको केन्द्रीय नीति, अनुसन्धान तथा प्रशिक्षण प्रतिष्ठानले साउन ३० र ३१ गते पार्टीबाट निर्वाचित जनप्रतिनिधिलाई प्रशिक्षण दिन लागेको हो।
मुख्यसचिव कृष्णप्रसाद पौडेलका अनुसार कांग्रेसबाट निर्वाचित जिल्ला समन्वय समितिका प्रमुख र उपप्रमुख तथा स्थानीय तहका प्रमुख र उपप्रमुखलाई पार्टी कार्यालयमा प्रशिक्षित गर्न लागिएको हो। कार्यक्रममा कांग्रेस सभापति तथा प्रधानमन्त्री शेरबहादुर देउवाको प्रमुख आतिथ्यता रहने बताइएको छ।