प्रहरीले त्रिभुवन अन्तर्राष्ट्रिय विमानस्थलबाट अवैध रूपमा विदेश लैजान लागिएका विभिन्न मुलुकका मुद्रासहित एक भारतीय नागिरकलाई पक्राउ गरेको छ । विमानस्थल सुरक्षार्थ खटिएका प्रहरी टोलीले ४३ वर्षीय अंकुर घनश्याभाई पटेललाई पक्राउ गरेको हो । उनको साथबाट प्रहरीले तीन हजार ६ सय अमेरिकी डलर, दुई हजार एक सय ३० पाउन्ड स्ट्रलिङ, तीन हजार चार सय युरो, चार हजार चार सय ६५ दिराम र चार हजार ६ सय ५० केन्या सिलिङ बरामद गरेको प्रहरीले जनाएको छ ।
पक्राउ परेका पटेल विमानस्थल हुँदै दुबई जान लागेका थिए । उनीविरुद्ध थप अनुसन्धान भइरहेको प्रहरीले जनाएको छ ।