- वि.सं २o७९ असार ८ बुधबार
वायुसेवा सञ्चालकहरूले बुधबारबाट उडान बन्द गर्ने चेतावनी दिए पनि उडान नियमित हुने जनाएको छ । नेपाल नागरिक उड्डयन प्राधिकरण र वायुसेवा सञ्चालक संघबीच मंगलबार राति भएको वार्तामा उडान नियमित गर्ने सहमति भएको हो ।
गृह मन्त्रालयको समन्वयमा भएको वार्तामा प्राधिकरण र वायुसेवा सञ्चालकहरूले उडान नरोक्नेमा सहमति जनाएका छन् । नेपाल नागरिक उड्डयन प्राधिकरणले एकतर्फी निर्णय गरेको भन्दै मंगलबार पत्रकार सम्मेलन गरेर नियमित र आकस्मिक उडान बन्द गर्ने चेतावनी दिएकाे थियाे ।
