- वि.सं २o८१ पौष ४ बिहीबार
आयोजक हिमरश्मि नीलो र लालीगुराँस नेसनल एकेडेमी प्रथम हिमरश्मि कप यू–१९ कलेज र स्कुल उपत्यकाव्यापी छात्र भलिबल प्रतियोगितामा प्रिक्वार्टरफाइनलमा प्रवेश गरेका छन् । हिमरश्मि नीलोले एन्जल्स हार्टलाई २–१ को सेटमा हरायो ।
हिमरिश्म समूह ‘डी’को विजेता बनेको छ । बुधबार भएको पहिलो खेलमा हिमरश्मिले गणेश कलेजलाई सीधा सेटमा २–० ले हराएको थियो । सोही समूहको अर्को खेलमा एन्जल्स हार्टले गणेशलाई २–० ले पाखा लगयो । एन्जल्स हर्ट समूह ‘डी’को उपविजेताका रूपमा अन्तिम १६ मा पुगेको छ । दोहोरो जित निकालेको लालीगुराँसले गीताञ्जलीलाई २–० र कालीदेवी माविलाई २–० ले हरायो ।
लालीगुराँस समूह ‘बी’को विजेता बन्यो । एनआर कलेजले ओरियन्टलाई २–० ले पाखा लगायो । ग्लेसियरले ग्राम सेवालाई २–१ ले निराश बनाएको छ । सेन्ट लरेन्सले मानसिंह माविलाई २–० ले पाखा लगाउँदै प्रिक्वार्टरफाइनलमा स्थान सुरक्षित गरेको छ ।
