- वि.सं २o७९ जेठ १३ शुक्रबार
विभाजनपछि नेत्रविक्रम चन्द विप्लव नेतृत्वको नेपाल कम्युनिस्ट पार्टीको केन्द्रीय समितिको १३औँ पूर्ण बैठक उदयपुरको रौतामाई गाउँपालिकामा सुरु भएको छ । पर्यटकीय केन्द्र रौतापोखरीमा बिहीबारदेखि बैठक सुरु भएको हो ।
नेकपा उदयपुरका जिल्ला सेक्रेटरी लक्षमण पौडेलका अनुसार बैठक करिब एक साता चल्नेछ । बैठकको उद्घाटन गर्दै महासचिव विप्लवले राजनीतिक प्रस्ताव र आगामी ९औँ महाधिवेशनको राजनीतिक प्रस्ताव पेस गरेका छन् । उक्त राजनीतिक प्रस्ताव र महाविधेशनको राजनीतिक प्रस्तावमा छलफल हुने पौडेलले जानकारी दिए ।
उनले भने, ‘बैठकमा सहभागी ५८ केन्द्रीय सदस्य र केन्द्रीय सल्लाहकार समितिका दुई सदस्यले शुक्रबारदेखि राजनीतिक प्रस्तावमाथि आफ्ना धारणा राख्ने छन्,’ पौडेलले भने । स्थानीय तहको निर्वाचनमा सहभागी हुने कि नहुने भन्ने विवादले विप्लव नेतृत्वको नेकपा विभाजित भएको थियो ।
