- वि.सं २o७९ बैशाख ३० शुक्रबार
स्थानीय तह निर्वाचनमा नुवाकोटमा ६५ प्रतिशत मत खसेको छ । जिल्ला निर्वाचन कार्यालयका प्रमुख जयप्रसाद गौतमले जिल्लाभर ६५ प्रतिशत मत खसेको जानकारी दिए । १२ स्थानीय तह ८८ वडा रहेको नुवाकोटमा मतदाताहरूले उत्साहपूर्वक मतदान प्रक्रियामा सहभागी भएका थिए ।
जिल्लाभर शान्तिपूर्ण रूपमा निर्वाचन सम्पन्न भएको छ । जिल्लामा सबै स्थानीय तहहरूमा शुक्रबार रातिबाट नै मतगणना गर्ने तयारी भएको निर्वाचन अधिकृतहरूले जानकारी दिएका छन्।
विदुरका मतपेटिकाहरू संकलन भइरहेको र सबै मतपेटिका आएपछि दलका प्रतिनिधिको छलफलपछि रातिबाट नै मतगणना सुरु गरिने तयारी भएको मुख्य निर्वाचन अधिकृत उमेशप्रसाद लुइँटेलले जानकारी दिए । जिल्लामा १ सय ३२ मतदान स्थल र २ सय ८७ मतदान केन्द्र रहेको थियो । जिल्लामा २ सय ३७ हजार ४ सय ३४ मतदाता रहेका छन् ।
