- वि.सं २o७९ बैशाख १९ सोमबार
गोरखाबाट बेहुली लिएर चितवन जाने क्रममा जिप दुर्घटना हुँदा तीनजनाको मृत्यु भएको छ । गोरखाको सिरानचोक गाउँपालिका ४ आरुबोटेको फिरफिरेभिरमा सोमबार साँझ बा १४ च ७८१ नम्बरको जिप दुर्घटनामा तीनजनाको मृत्यु भएको एसपी केदार खनालले जानकारी दिए ।
मृत्यु हुनेमा बारपाक सुलीकोट गाउँपालिका ६ चनौटेका ५० वर्षीय देवीप्रसाद पोखरेल, लमजुङ दुराडाँडा घर भई हाल काठमाडौं महानगरपालिका १६ बस्ने ५१ वर्षीय कमल न्यौपाने र कावासोती १४ का ८० वर्षीय उत्तरकुमार सिग्देल रहेको एसपी खनालले जानकारी दिए ।
चालकले ओरालोमा जिप स्टार्टमा राखेर यात्रु चढाउन थालेको तर आफूभित्र नबस्दा जिप गुडेर भिरबाट करिब दुई सय मिटर तल खसेको प्रहरीले जनाएको छ । चालक घनश्याम काफ्लेलाई प्रहरीले नियन्त्रणमा लिएको छ ।
