- वि.सं २o७८ चैत २९ मंगलबार
अखिल नेपाल फुटबल संघ (एन्फा)को आयोजना हुन लागेको सहिद स्मारक सी डिभजन लिग १० दिनपछि सरेको छ । एन्फाले निर्धारित तालिकाअनुसार मंगलबारदेखि सी डिभिजन लिग सुरु गर्ने भनिएको थियो ।
एन्फाका महासचिव इन्द्रमान तुलाधरले सी डिभिजन लिग प्रावधिक कारण २८ चैतबाट सुरु गर्न नसकिएको बताएका छन् । महासचिव तुलाधरले विज्ञप्तिमातर्फ सी डिभिजन लिग ९ वैशाख ०७९ बाट हुने जानकारी दिएका छन् । १४ क्लबको सहभागिता रहने लिगबाट शीर्ष दुई टोली बी डिभिजनमा बढुवा हुनेछन् ।
एन्फाले यसै वर्ष ए तथा बी डिभिजन लिग गरिसकेको छ । ए डिभिजनमा मच्छिन्द्र फुटबल तथा बी डिभिजनमा चर्च ब्वाइज च्याम्पियन बनेका थिए । ए डिभिजनबाट च्यासल युथ र ब्रिगेड ब्वाइज युथ क्लब बी डिभिजनमा घटुवा भएका छन् ।
बी डिभिजनबाट चर्च ब्वाइज तथा खुमलटार क्लब ए डिभिजनमा बढुवा भएका छन् । खुमलटार बी डिभिजन लिगको उपविजेता हो । सामाजिक युथ र झम्सिखेल युथ क्लब भने सी डिभिजनमा घटुवा भएका छन् ।
