- वि.सं २o७८ चैत २४ बिहीबार
आगामी ३० वैशाखमा हुने स्थानीय तह निर्वाचनमा सुर्खेतका पाँच दलले गठबन्धन गर्ने निर्णय गरेका छन् । बिहीबार बसेको पाँच दलको बैठकले चुनावी गठबन्धन गर्ने निर्णय गरेको हो ।
कांग्रेसका सभापति खड्गबहादुर पोखरेलको अध्यक्षतामा बसेको बैठकले कांग्रेस, माओवादी केन्द्र, एकीकृत समाजवादी, राष्ट्रिय जनमोर्चा र जसपाले गठबन्धन गर्ने निर्णय गरेका हुन् ।
सुर्खेतका ९ वटै पालिका, कार्यपालिका सदस्य र जिल्ला समन्वय समितिमा समेत तालमेल गरेर जाने निर्णय पाँच दलले गरेको माओवादी केन्द्रका सुर्खेत जिल्ला इन्चार्ज झकबहादुर मल्लले जानकारी दिए ।
‘चुनावका लागि जिल्लामा गठित पाँचदलीय गठबन्धनमा १० जना रहेको संयन्त्र गठन गर्ने निर्णय गरिएको छ,’ उनले भने, ‘पालिकाहरूमा स्थानीय संयन्त्रको नियमित बैठक गर्ने पनि निर्णय भएको छ ।’
